1. Unuvorte, kio estas Esperanto-Insulo?
   
   Esperanto-Insulo estas loko kie tre intensaj kursoj de la lingvo Esperatno povas okazi.  Ĝi ne estas la kutima, mallonga Esperanto-staĝo.  Turismado tute ne estas celo de Esperanto-Insulo.  Nelernaj aktivaĵoj okazos antaŭ aŭ post sed ne dum la kursaro.
    
2. Ĉu Esperanto-Insulo okazas nur en vintro?
   
   Jes, nur vintre.  Estas aliaj programoj rilate Esperanton en printempo, en somero kaj en aŭtuno.  Ili okazas en aliaj, ĉinaj urboj.  Por pli da informo, kontaktu Arko de ILEI-Ĉinio.
    
3. Ĉu mi povas veni por ĉeesti nur parton de la kurso, ekzemple, nur du semajnojn el kvar?
   
   Ne rekomendite, sed vi povas.  Tamen la kursaro celas plentempajn, tutmonatajn gelernantojn.  La kursoj estas profesiaj, seriozaj, kaj efikaj nur se la gelernantoj ĉeestas la tuton.
    
4. Kiom mi pagos se mi ĉeestos parton de la kursaron,
   
   Se estas spaco, vi pagos iomete malpli, sed la favoraj prezoj, kompreneble, ĉiam  estas por la tutmonataj ĉeestantoj.  Pri via eventuala prezo, vi povas kontakti Trigo ĉe trigo@126.com
    
5. Ĉu mi bezonas vizon por aliri al Esperanto-Insulo?
   
   Probable jes.  Kontrolu ĉe la ĉina konsulejo en via propra lando.  Kvankam ke Hajnano estas nun internacia turista insulo, kaj sub kelkaj kondiĉoj vizo ne bezonatas, estus prudente, pro novaj ŝanĝoj en la viza regularo de Ĉinujo, havigi al vi la vizon.arko.gong@qq.com
    
6. Kiel mi povas atingi la insulon?
   
   Estas eble centoj da flugoj de ĉinaj urboj kiel Hongkongo, Ŝanhajo, Kantono, Ŝenzheno, ktp. ĉiutage, al la flug-havenoj de Hajnano.  Via flug-haveno estos tiu de la urbo Haikou, la ĉefurbo, norde en la insulo, kaj proksime de nia kursejo.
   
   El la multaj ebloj, vi povus, ekzemple, fari la flugon PARIZO-HONGKONGO-HAIKOU, aŭ eble, ROMO-ŜANHAJO-HAIKOU, aŭ SAN FRANCISKO-KANTONO-HAIKOU, kaj simile.  Pensu ankaŭ, se vi havas Pasportan Servon aŭ vi havas esperantajn amikojn diverslande, viziti landojn survoje.  Se vi estas Londonano, eble viziti Japanujon, Koreujon, Rusujon; ktp.
   
   Por komenci vian serĉadon de flugoj, mi rekomendas, ke vi retumu.  Mi persone utiligas www.expedia.com aŭ www.expedia.fr , kaj ankaŭ ekzistas aliaj retejoj.   Anoncu vin kaj vian flugo al ni en Esperanto-Insulo, kaj ni bonvenigos vin ĉe la flug-haveno de Haikou.  Mi ofte trovas prezdiferenco inter .COM kaj .FR kaj .ES, do se vi parolas multajn lingvojn, eble provu diverslingvajn retagentejojn.  Por pli da detaloj, vidu KIEL ATINGI.
    
7. Ĉu eblas turismi sur la Esperanto-Insulo?
   
   Post la fino de la kurso, la 12an de februaro, estos ebloj turismi.  Dum la kursaroj, estos kelkaj ekskursoj, ĉar la insulo estas tre interesa kaj tre alloga.
    

8. Ĉu estos ekskursoj dum la Esperanto-Monato de Esperanto-Insulo?

   Ne.  Kaj, jes.  Antaǔ ĉio ni memoru, ke Esperanto-Insulo NE estas tradicia staĝo.  La celo de Esperanto-Insulo estas instrui Esperanton, multe da Esperanto, al NE-Esperantistoj por, ke ili iĝu bonaj parolantoj kaj legantoj de la lingvo.  Alia celo estas plibonigi la instruadon de Esperanto en Azio en aliaj kontinentoj.  Por plenumi tiujn celojn, oni devas plenplene koncentriĝi sur la lernado kaj instrado.  Tamen, samtempe, vojaĝi ekster la klasĉambro, ripozi en agrabla loko ankaǔ servas tiujn celojn.  Do, la ekskursoj dum nia kursaro estos pedagogiaj kaj samtempe distraj, ripozigaj.  Ekzemple, dimanĉe ni certe vizitos unu aǔ pliajn belajn plaĝojn.  Ni iros al bela parko.  Ni eventuale vizitos grandan budhanan templon.  Ni gustumos bongustaĵojn multloke.  Kaj ĉio ĉi okazos esperante, kaj eĉ estos poste enmetita kiel ekzerco-materialo en la BEK-Kurso.  Kaj ne forgesu, ke ni haltigos la kursojn tri tagojn por partopreni la faman Ĉinan Novjaron, nomatan en Ĉinujo la Printempa Festo.
    

9. Ĉu eblas manĝi vegetare sur la insulo?
   
   Jes.  En Ĉinujo ĝenerale abundas legomaj kaj fruktaj manĝaĵoj.  Kaj sur nia insulo, vi spertos nekredeblan, buntan variecon de fruktoj. 
    
10. Kiaj estas la temperaturoj sur la insulo inter januaro kaj februaro? 
    
    En Haikou, la urbo de nia kursaro, la temperaturoj kutime atingas 21 aŭ 22 gradoj centigradaj, do 70 aŭ 72 fahrenhejtaj.   Tamen eblas ke la taga temperaturo estas 30 en varmaj tagoj, aŭ en tre malvamaj, nur 10.
     

11. Ĉu infanoj povas ĉeesti la BEK-Kurson?

    Jes.  Se la infano parolas unu europan lingvon, li aǔ ŝi povas sufiĉe rapide lerni en la BEK-kurso post la aĝo de 10 jaroj.  Se la infano ne konas unu europan lingvon, la lernado estos ege malfacile, tamen, por tiaj infanoj, ni kreos apartan kurson.  Tiaj kursoj probable estos tre bonaj lingvaj spertoj por ili pro la facileco de Esperanto.  Nia celo por la infanoj estas, ke ili ekŝatas lingvolernadon.
     

12. Ĉu estas vere, ke estas ekzamenoj ĉiutage?

    En la BEK-Kurso, jes.  Sed ne pensu pri longaj, tedaj demandaroj.  Tute ne.  Tiuj ekzamenoj estas plejparte inter 5 kaj 8 minutoj.  Aldone estas klasikaj diktaĵoj por ekzerci vian orelon, kaj fiksi certajn gramatikajn konceptojn.  Kutime, la gelernantoj ege ŝatas la ekzamenetojn de BEK, ĉar per ili, la gelernantoj povas kontroli ĉiutage kiom ili lernis.  Kaj tiu konstato de lernado estas ĝojiga afero.
     

13. Ĉu estas stipendioj por lernantoj?
    
    Jes, ĉefe por ĉinaj studentoj kiuj faros helpotaskojn dum Esperanto-Insulo, kaj kiuj poste instruos Esperanton en siaj lokaj grupoj.  Stipendioj estas nur por plentempaj gelernantoj.

Aliĝu nun