Google Maps Vidu la INSULON Hai Nan Dao sude de Ĉinio, tre proksime de Vjetnamio: Ni estos en la urbo HAIKOU.  Vi povas flugi al la Haikou Meilan Flug-haveno, kaj ni veturigos vin al via loĝejo.  Vidu la VOJON inter la flug-haveno B kaj la urbo Haikou.

Estas eble pli ol CENT flugoj al Hajnano de Hongkongo, Pekino, Ŝanhajo, Kantono, kaj multaj aliaj ĉinaj urboj ĉiutage.  Bonvolu vidi la mapon sube kaj vi konstatos ke Hainano facile atingeblas, kaj ofte..  Ankaŭ eblas unue flugi al Kantono aŭ alia proksima ĉina urbo, kaj poste iri al Hajnano per trajno aŭ ŝipo.

Se vi loĝas en malproksima lando en Europo aŭ Usono, ekzemple, mi rekomendus, ke vi flugu unue al Kantono aŭ Ŝenzheno aŭ Hongkongo aŭ Ŝanhajo, kaj poste, per alia, tre mallonga flugo, iri al la flug-haveno de HAIKOU en Hajnano.  Via celo estas atingi la flug-havenon de HAIKON, la plej proksima al nia kursejo.

Mi ankaŭ rekomendas, ke vi pripensu diversajn itinerojn.  Kiam mi flugas al Ĉinio, kelkfoje mi flugas tra Parizo, kelkfoje Frankfurto, kelkfoje tra Moskvo.  Vi eĉ povas vizitii viajn esperantajn amikojn unue en Japanio aŭ en Koreio antaŭ ol veni!

Se vi ŝatas aventurojn, vi povus eĉ kontakti la lokajn esperantistojn en Kantono, kaj informiĝu pri kiamaniere perŝipe veni al Hajnano, aŭ per rekta trajno, trajno kiu poste enŝipiĝos!  Bonvolu provi aranĝi tiajn specialajn aventurojn rekte kun ili.  Ĉar se ni faras tion nerekte por vi, ni povas erari.

Mi mem aĉetas biletojn ĉe www.expedia.com, sed mi ofte kontrolas ankaŭ la saman retejon en la franca www.expedia.fr , kaj en aliaj lingvoj .www.expedia.de, www.expedia.es, ktp,  ĉar la prezoj kaj la flugkompanioj povas varii, kaj per tio, mi povas ŝpari ĝis 20%!!  Ekzemple, mi provis antaŭ kelkaj minutoj kaj la prezo por Parizo-Haikou-Parizo estis 833 euroj ĉe .COM (1117 USD / 1.34) sed nur 788 ĉe .FR.  Valoras la penon kompari tra pluraj tagoj.  Somere mi flugis de Chinujo al Parizo kaj reen por 554 euroj.  Federico GOBBO el Italujo rekomendas ankau www.skyscanner.com por trovi bonajn prezojn.

Post via atingo de la Flug-Haveno de Haikou, ni bonvenigos vin flug-havene kaj veturigos nin senpage al via loĝejo.  Vi povas sendi al ni vian flugo-informon, kaj ni okupiĝos pri ĉio alia.  Vi eĉ ne bezonos ŝanĝi monon ĉe la flug-haveno.  Vi povas poste tion fari, pli trankvile kaj pli avantaĝe en la urbo proksime de niaj kursoj.

Antaŭ ol flugi, ne forgesu vian PASPORTON, vian VIZON, eble vizitu vizo-retejon VISA FOR CHINA, kaj se bezonate, antaŭe kontakti TRIGO ĉe trigo@126.com de Ĉinio por via eventuala INVITLETERO.

Bonan vojaĝon!!

Dennis Keefe, instruisto Esperanto-Insulo