Se vi jam parolas Esperanton flue kaj se vi volas lerni PER Esperanto pri fakoj kaj temoj kiuj povas havi edukan rolon en via vivo, vi eble interesiĝos pri la Universitato de Esperanto, kie nia internacia lingvo utilos por plivastigi konojn kaj sciojn ekster nia kelkfoje tro limigita mondo de la lingvo Esperanto.

La unuaj kursoj de la Universitato de Esperanto okazos samloke kiel la tre tre intensaj kursoj kaj la instruistaj kursoj, tio estas, ĉe la Universitato de Hajnano ĉe la Esperanto-Insulo.  Ĉiu universitata kurso daŭros 40 horojn entute, 2-horojn ĉiutage, de lundo ĝis vendredo, inter la 11a de januaro kaj la 12a de februaro 2012.

Vi ne trovos lingvajn kursojn en la Universitato de Esperanto, ĉar la celo de la projekto ne estas lerni PRI Esperanto sed lerni PER Esperanto.  Estas multe da aliaj lokoj en Esperantujo kie vi povas lerni pri Esperanto.  Por tion fari bonvolu konsulti EDUKADO.NET aŭ la kursojn kiuj okazas en POZNAN.

Sciu, ke la kursoj estas jam instruitaj kursoj en universitatoj de diversaj landoj.  La kursoj ankaŭ estas bazaj, tio estas,

Vi povas enskribiĝi en unu aŭ du kursoj, aŭ vi povas enskribiĝi en la pedagogia kurso por instruistoj kaj unu universitata kurso.  La prezoj por la ĉeestado de la kursoj troviĝas ĉe la retejero PREZOJ. 

Nun stariĝas antaŭ ni du elstaraj kursoj:

1. 1  ALFRONTI MILITON -- Profesoro Ron GLOSSOP, Usono.  Informiĝu pli pri la kurso, musklakante sur ALFRONTI MILITON.

Maldekstre, La libro Confronting War de Profesoro Glossop.  Dekstre, Profesoro Glossop prelegante en Ĉinio

2. 2  FILOZOFIO KAJ HISTORIO DE LA INFORMADIKO -- Profesoro      Federico GOBBO, Italio.  Informiĝu pli pri la kurso, musklakante sur INFORMADIKO.

La universitataj kursoj estos filmitaj por iĝi parto de la projekto Virtuala Universitato de Esperanto, kiu estos ĉies propraĵo.  Do poste, laŭ la principoj de Kreiva Komunumo.  Por proponi kurson, bolvolu iri al KONTAKTO.

 

Esperanto-Insulo Universitato de Esperanto Viaj kursoj estos filmitaj kaj poste ili iĝos Ĉies propraĵo por la bono de Esperanto, kaj por nia mondo.

Aliĝu nun